Lalok pado hewan nonmanusia dapek didefinisian sabagai kaadaan fisiologis jo kurenah organisme nan ditandoi jo bakurangnyo gerakan dan respon terhadap rangsangan dari lingkungan nan tajadi sacaro taratur satiok hari dan punyo kamampuan reversibel. Kondisi nan reversibel manjadian pambedo antaro lalok jo koma. Lalok pado hewan hanyo balaku untuak sabagian ketek spesies takah mamalia dan buruang.[1]
Kinyongia tavetana, salah ciek jinih bunglon cebol Afrika, punyo kondisi lalok nan hanyo malibatkan parubahan pado parilaku, tanpo adonya parubahan elektrofisiologis takah gerakan mato, aktivitas otak takah pado mamalia. Dalam kondisi iko, definisi lalok pado hewan nan indak punyo sistem saraf hanyo malibatkan perilaku.[2] Para ilmuwan juo manggunoan istilah istirahat untuak mangaikkan lalok pado hewan invertebrata takah reptil, amfibi, jo ikan dek indak adonyo tando-tando elektrofisiologis nan tacaliak. Hinggo kini, alun ado pambuktian nan pasti bahasonyo lalok balaku untuak sado hewan, tapi hanyo babarapo jinih hewan.
Dampak babahayo kakurangan lalok pado hewan alun jaleh. Panalitian sabalunnyo manyatoan bahasonyo kakurangan lalok dapek baujuang pado kamatian takah pado kasus mancik nan ditagah untuak lalok.[3] Hal iko juo balaku pado langau[4] jo kapuyuak[5] nan manunjuakan gejala sindrom perifer takah pado mancik nan tetap tajago[6]. Namun, babedo halnyo pado merpati nan dapek tetap tajago dalam wakatu nan sangaik lamo.[7] Jo baitu, kamatian nan tajadi akibaik kurang lalok alun bisa dipastian, dek kamungkinan adonyo faktor lain takah takanan jo stress nan terlibat.